СВЯТОЙ ПРЕПОДОБНЫЙ ПАИСИЙ ВЕЛИКИЙ.

Тропарь:

Пусты́нный жи́тель, и в телеси́ А́нгел, и чудотво́рец показа́лся еси́, Богоно́се о́тче наш Паи́сие: посто́м, бде́нием и моли́твою Небе́сная дарова́ния прие́м, исцеля́еши неду́жныя и ду́ши ве́рою притека́ющих ти. Сла́ва Да́вшему тебе́ кре́пость, сла́ва Венча́вшему тя, сла́ва Де́йствующему тобо́ю всем исцеле́ния.

Кондак:

От мла́да зва́нию Го́спода твоего́ после́довал еси́ усе́рдно, блаже́нне, вся, я́же в ми́ре кра́сная, Его́ ра́ди оста́вив. Крест твой на ра́мена взем, всели́лся еси́ в пусты́ню, и, та́мо а́нгельски пожи́в, те́ло твое́ посто́м и моли́твами изнури́л еси́, и мно́гим путь был еси́ ко спасе́нию, вся возводя́ к Боже́ственней высоте́, Паи́сие преподо́бне, отце́в и по́стников тве́рдое основа́ние.